Այսպէս է ասում Տէրը. Որդեա՛կ, պահի՛ր իմ խօսքերը եւ օր ու գիշեր դրանց մասի՛ն մտածիր իբրեւ հարազատ որդի եւ ազնիւ ժառանգ, իսկ նա, ով չի նորոգում եւ բարձրացնում նախնիների առաքինութիւնը, նա ամօթ եւ նախատինք է իր պապերի համար եւ մի նոր անէծք: ՍԻՐԱՔ ; 20 ,28

Լուսանկարիչ՝ Ակսել Բակունց

Հայ գրողներից և բանաստեղծներից շատերն են զբաղվել լուսանկարչությամբ: Պահպանվել են այդ մասին վկայող հուշեր, լուսանկարներ և լուսանկարչական սարքեր: Այդ զբաղմունքը գրավել է Ռուբեն Սևակին, Վահան Տերյանին, Վրթանես Փափազյանին, իսկ Պերճ Պռոշյանը երկար տարիներ ընտանիք է պահել այդ աշխատանքով:

Այսօր խոսքը Ակսել Բակունցի մասին է: Նա նույնպես սիրել և զբաղվել է լուսանկարչությամբ: Գորիսում՝ նրա տուն-թանգարանում, ցուցադրվում է Բակունցի լուսանկարչական ապարատը, իսկ Գրականության և արվեստի թանգարանում, Հովհաննես Թումանյանի ֆոնդում, պահպանվել են Բակունցի լուսանկարները: 1932թ. Հովհաննես Թումանյանի դստեր՝ Նվարդի հետ Բակունցը լինում է Դսեղում և լուսանկարում իր սիրելի բանաստեղծի ծննդավայրը: Դրանք 19 լուսանկար են՝ դարձերեսին Բակունցի ձեռագիր նշումներով: Նույն թվականին Բակունցը այդ լուսանկարները նվիրել է Գրականության և արվեստի թանգարանին:

Խմբանկար՝ Նվարդ Թումանյանը համագյուղացիների հետ (Դսեղ, 1932թ.)

Տեսարան Դսեղից (1932թ.)

Աղբյուր՝ Գրականության և արվեստի թանգարանի ֆեյսբուքյան էջ