Այսպէս է ասում Տէրը. «Խոհեմութիւնից զուրկ թագաւորը մեծ անիրաւութիւն անող է, բայց անիրաւութիւնն ատողը երկար կեանք կ՚ունենայ» (Առակներ 28:16)

Թող հավերժ ապրի մեր ժողովուրդը

Թող հավերժ ապրի մեր ժողովուրդը,
Հազար տարիներ ու հազար դարեր.
Ապրի, ինչքան շատ ապրել է, տևել,-
Հազար տարիներ ու հազար դարեր.
Ապրի, ինչքան շատ զոհեր է տվել,-
Հազար տարիներ ու հազար դարեր.
Ապրի, ինչքան հայ դեռ պիտի ծնվի,-
Հազար տարիներ ու հազար դարեր.
Ինչքան եղել է քաջ ու անձնվեր,-
Հազար տարիներ ու հազար դարեր.
Ինչքան տենչ ունի և տենչի թևեր,-
Հազար տարիներ ու հազար դարեր...
Թող այնքան ապրի մեր ժողովուրդը,
Քանի ապրում է մեր հողագունդը:

Գևորգ ԷՄԻՆ