Այսպէս է ասում Տէրը. «Միայն թէ Աւետարանին արժանի ձեւով ընթացէ՛ք, որպէսզի ձեզ տեսնելու գամ թէ հեռու լինեմ, լսեմ ձեր մասին, որ հաստատուն էք մնացել մէ՛կ հոգով եւ որպէս մէ՛կ շունչ պայքարում էք Աւետարանի հաւատի համար» (Փիլիպեցիներ 1:27)

Վահան Տերյան․ Արթնացում

Խենթ մարտիրոսներ, պայծառ հերոսներ,
Ձեր կարմիր ճամփան քարերի միջից
Ցրեց իմ հոգու տենչերը չնչին,
Բացեց իմ հոգում ուրիշ փարոսներ:

Իմ ջլատ հոգու վիշտը քարացավ,
Ես խորն զգացի իղձը ձեր հոգու,
Կյա՜նք ձեր անունին, որ այս ահարկու
Գիշերին բերիք նոր լույսի համբավ:

Բարի կուռքերն են մեզ շրջապատում,
Կենդանի Աստված, ես Քեզ եմ կանչում,
Ինձ Քո կարոտն է անդադար տանջում,
Բարի կուռքերին ես չեմ հավատում: