Արմեն Աթայան․ Կենսագրություն

Արմեն Արշակի Աթայան (մայիսի 21, 1922, Երևան, Հայկական ԽՍՀ, ԱԽՖՍՀ), հայ նկարիչ։

Հայ բանաստեղծ, արձակագիր, թարգմանիչ, հասարակական գործիչ Արշակ Աթայանի որդին է, Ռաֆայել և Ռոբերտ Աթայանների եղբայրը։

Կենսագրություն

1941 թվականին ավարտել է Երևանի գեղարվեստի ուսումնարանը, 1952 թվականին՝ Երևանի գեղարվեստի ինստիտուտը։

1954 թվականից ստեղծագործել է Կիևում, 1965 թվականից՝ Երևանում, դասավանդել ԵԳԻ-ում։ Մասնակցել է Երկրորդ համաշխարհային պատերազմին (1941-1945):

Ստեղծագործություններ

Հեղինակ է բնանկարների, դիմանկարների և նատյուրմորտների, որոնց բնորոշ է քնարական պայծառ երփնագիրը։

Գործերից են՝

«Ամպամած օր. Սևան» (1953)։

«Աշունը Հայաստանի լեռներում» (1956)։

«Առագաստներ» (1963)։

«Ամառային հովիկ» (1965, մասնավոր հավաքածու, Լոնդոն)։

«Ձեռագործ անող կինը» (1972):

«Ձեռագործուհին» (1973, Հայաստանի ազգային պատկերասրահ)։

«Ձմեռ» (2003)։

Ցուցահանդեսներ

Անհատական ցուցահանդեսներ է ունեցել Ուկրաինայում (1963, 1964, 1965), Երևանում (1968)։

Տեսանյութը՝ ԱՐ հեռուստաընկերության «Արարման խորհուրդը» հաղորդաշարի