Այսպէս է ասում Տէրը. Որդեա՛կ, պահի՛ր իմ խօսքերը եւ օր ու գիշեր դրանց մասի՛ն մտածիր իբրեւ հարազատ որդի եւ ազնիւ ժառանգ, իսկ նա, ով չի նորոգում եւ բարձրացնում նախնիների առաքինութիւնը, նա ամօթ եւ նախատինք է իր պապերի համար եւ մի նոր անէծք: ՍԻՐԱՔ ; 20 ,28

Խաչի Դաշտենց․ Զանգվի կամուրջը

Կտավը՝ Մարտիրոս Սարյանի 
Զանգվի կամուրջը (1930)

Ջուրը գնում է, կամուրջն է մնում,
Փա՜ռք գետի վրա կամուրջ կապողին,
Ճանապարհից լավ ի՛նչ կա աշխարհում,
Հազար-հազա՜ր փառք ճամփա շինողին։

Հրճվում է հոգին լավ խոսք լսելիս,
Լավ խոսքդ խառնիր դու Զանգու գետին,
Փա՜ռք նրան, ով որ ճամփով անցնելիս
Հիշում է նրան շինած վարպետին։

Կամուրջի տակով թող հոսի Զանգուն,
Փա՜ռք այս կամուրջով գնացողներին,
Ճամփորդը գնում, ճամփան է մնում,
Փա՜ռք մեր աշխարհի ճանապարհներին։

Երգն էլ հյուսվում է ճանապարհի հետ
Եվ նրա հետ էլ մնում է կանգուն,
Լավ երգն ու ճամփան ապրում են հավետ,
Փա՜ռք նրան, ով նոր ճամփան է երգում։

1945