Այսպէս է ասում Տէրը. «Քո գործերը յանձնի՛ր Տիրոջ ձեռքը, եւ քո մտադրութիւնները պիտի կատարուեն: Ինչպիսի մեծութեան էլ հասնես, դու քեզ խոնա՛րհ պահիր եւ դու շնորհ կգտնես Տիրոջ առջեւ» (Առակներ 16:3)

Ծննդյան տարեդարձի օրվա աղոթք

Ամենակա՛լ Աստված, արարիչ եւ խնամող եւ պահպանող բոլոր արարածների, դու, որ քո օրհնյալ կամքով սքանչելի կերպով ստեղծեցիր ու կազմեցիր ինձ եւ քո մեծ նախախնամությամբ պահեցիր` ծննդյանս օրից մինչեւ այսօր, բավարարելով իմ բոլոր կարիքները: Օրհնում եւ փառավորում եմ քո անբավ գթությունը, երկնաւո՛ր Հայր եւ շնորհակալություն եմ հայտնում քեզ: Օրհնիր իմ այս տարվա ընթացքը եւ զորացրու հոգիս, որպեսզի հրաժարվեմ չար գործերից եւ կյանքիս մնացյալ օրերն անցկացնեմ բարեգործությամբ ու Քո պատվիրանների պահպանությամբ՝ ապրելով աստվածահաճո կյանքով ու բարեպաշտությամբ, քո՛ փառքի համար։ Քանզի Քեզ՝ Որդու եւ Ս. Հոգուդ հետ միասին վայել է փառք, իշխանություն եւ պատիվ.
այժմ եւ միշտ եւ հավիտյանս հավիտենից...Ամեն

Աղբյուր՝ Qahana.am