Այսպէս է ասում Տէրը. «Վշտակի՛ց եղիր Քրիստոս Յիսուսի տառապանքներին որպէս նրա բարի զինուորը։ Ոչ ոք, զինուոր դառնալով, չի զբաղուի աշխարհիկ կեանքի գործերով, որպէսզի զօրավարին հաճելի լինի։ Եւ եթէ մէկը մրցամարտիկ է, պսակ չի ստանայ, եթէ ըստ օրէնքի չմարտնչի» (Տիմոթեոս 2:3-5)

Ծերունու սիրելի թռչնակը

Կար-չկար մի թռչնակ կար: Նա ապրում էր տատիկի ու պապիկի հետ: Թռչնակը շատ էր գեղեցիկ, գունավոր փետուրներով ու երկար պոչիկով: Թռչնակի սիրելի տերը՝ պապիկը, շատ բարի էր և անչափ շատ էր սիրում թռչնակին: Նա ամեն առավոտ և երեկո կերակրում էր նրան ամենահամեղ ուտելիքներով: Օրերից մի օր ծերունին պատրաստվում է գնալ քաղաք՝ առևտուր անելու: Նա դիմում է իր կնոջը.

- Խնդրում եմ, հոգ տար թռչնակիս մասին: Կերակրիր նրան ժամանակին, օրը երկու անգամ հաց ու ջուր տուր:

- Լավ,- ասում է կինը և ամուսնուն ճանապարհում քաղաք:

Սակայն ծեր կինը շատ չար էր ու չէր սիրում պապիկի թռչնակին: Թեև խոստացել էր պապիկին, որ հոգ կտանի թռչնակի մասին, սակայն ոչ առավոտյան և ոչ էլ երեկոյան չի կերակրում նրան: Այդպես ամբողջ օր թռչնակը մնում է սոված: Բայց հանկարծ թռչնակը սեղանի վրա հացի փշրանք է նկատում: Նա գալիս նստում է սեղանին և ուտում փշրանքը: Չար կինը տեսնում է դա և շատ է զայրանում: Նա բացում է պատուհանը և թռչնակին բաց է թողնում: Հաջորդ օրը բարի պապիկը վերադառնում է տուն: Նա ցանկանում է տեսնել իր թռչնակին: Պապիկը շատ էր կարոտել նրան:

- Որտե՞ղ է իմ թռչնակը, ինչո՞ւ չի դիմավորում ինձ,- հարցնում է պապիկը:

Իհարկե, չար կինը պապիկին չի ասում, որ բաց է թողել թռչնակին: Պապիկը հասկանում է ամեն ինչ և դուրս է գալիս անտառ, փնտրելու իր սիրելի ընկեր-թռչնակին: Եվ որքան է ուրախանում, երբ տեսնում է թռչնակին նստած մի ծառի վրա: Նա խնդրում է թռչնակին, որ նորից տուն վերադառնա, սակայն թռչնակը հրաժարվում է: Բայց պապիկը չգիտեր, որ իր թռչնակը խոսել գիտի և մարդու նման հասկանում է ամեն ինչ: Ու թռչնակն սկսում է խոսել նրա հետ մարդկային ձայնով:

- Սիրելի պապիկ, ես շնարհակալ եմ քեզ: Դու շատ բարի ես եղել իմ նկատմամբ:
Թռչնակը պապիկին է տալիս երկու զամբյուղ, մեկը մեծ, իսկ մյուսը` փոքր: Ասում է.

- Ընտրիր դրանցից մեկը: Բայց զամբյուղը կբացես տանը:

Պապիկն ընտրում է փոքր զամաբյուղը և վերդառնում է տուն: Պապիկը բացում է զամբյուղը, իսկ այնտեղ լիքը ոսկի կար: Պապիկի չար կինը չի բավարարվում այդքանով: Նա գնում է անտառ թռչնակի մոտ: Թռչնակը տատիկին էլ է առաջարկում ընտրել զամբյուղներից մեկը: Ագահ կինը ընտրում է մեծը: Գալիս է տուն, արագ-արագ բացում է այն և… բացի ծառի չորացած ճյուղերից ոչինչ չի գտնում զամբյուղում:

Աղբյուր՝ Heqiat.am։