Այսպէս է ասում Տէրը. «Արդարեւ, ով անարգում է իմաստութիւնն ու խրատը, թշուառական է. ունայն է նրա յոյսը, անօգուտ է նրանց վաստակը, եւ պիտանի չեն նրանց գործերը: Նրանց կանայք անմիտ են, նրանց երեխաները՝ չարաբարոյ, եւ անիծուած են նրանց ծնունդները» (Իմաստ. Սողոմոնի 3:11-12)

Գեղազնիկ Միքայելյան․ Կենսագրություն

Ծնվել է 1951թ. նոյեմբերի 16-ին Լեռնարոտ գյուղում (Աշտարակի շրջան, Արագածոտնի մարզ):

Ավարտել է տեղի միջնակարգ դպրոցը, ապա ստացել գյուղատնտեսական միջնակարգ մասնագիտական կրթություն։ Եղել է Աշտարակի երկրապահ կամավորական ջոկատի հրամանատար, աչքի է ընկել համարձակությամբ և ռազմական տեխնիկային տիրապետելու հմտությամբ:

Արցախյան ազատագրական պատերազմի առաջին օրերից մասնակցել է ՀՀ Գորիսի (Կոռնիձոր), Մեղրիի (Նյուվադի), Նոյեմբերյանի (Ոսկեպար), Իջևանի, Արարատի (Երասխ) շրջանների ինքնապաշտպանական մարտերին:

Սպանվել է 1990թ. օգոստոսի 29-ին Երևանում։ Թաղված է Աշտարակի շրջանի Սասունիկ գյուղում։ ՀՀ ազգային հերոսի կոչումը ստացել է հետմահու՝ 20.09.1996թ.:

Պարգևատրվել է Հայրենիքի շքանշանով

Տեսանյութը՝ Nakhshkaryan.blogspot.com