Այսպէս է ասում Տէրը. «Խրատի՛ր որդուդ, եւ նա հանգստութիւն կտայ քեզ, զարդ կլինի քո հոգու համար եւ չի հնազանդուի անօրէն ազգի: Ով գնում է արդարութեան ճանապարհով, օգնութիւն է գտնելու, իսկ ով ծուռ ճանապարհ է ելնում, նրա ոտքը պիտի կապուի» (Առակներ 28:17-18)

Ձորափորեցի. Որ նշանաւ ամենայաղթ

Որ նշանաւ ամենայաղթ
Խաչի քո, Քրիստոս
Բարձեր զդատապարտութիւն
Ազգի մարդկան:

7-րդ դարի կաթողիկոս Սահակ Ձորափորեցու «Որ նշանաւ ամենայաղթ» շարականն է՝ Անահիտ Պապայանի կատարմամբ՝ «Հայաստանի փոքրիկ երգիչներ» երգչախմբին կազմում: Խմբավար՝ Տիգրան Հեքեքյան:
Սա շատ փոքրիկ երգ է, որի մեջ Ձորափորեցին, դիմելով Հիսուսին, ասում է, որ նրա ամենահաղթական նշանով՝ խաչով, Նա բառնաց, վերացրեց մարդկային ցեղի դատապարտությունը: Նկատի ունի այն, որ Ադամն ու Եվան, խախտելով Աստծո պատվիրանը, անհնազանդաբար ճաշակեցին Դրախտի կենտրոնում աճած չարի և բարու իմացության ծառի պտուղը: