Այսպէս է ասում Տէրը. Որդեա՛կ, պահի՛ր իմ խօսքերը եւ օր ու գիշեր դրանց մասի՛ն մտածիր իբրեւ հարազատ որդի եւ ազնիւ ժառանգ, իսկ նա, ով չի նորոգում եւ բարձրացնում նախնիների առաքինութիւնը, նա ամօթ եւ նախատինք է իր պապերի համար եւ մի նոր անէծք: ՍԻՐԱՔ ; 20 ,28

Սուրբ Սիլուան Աֆոնցի․ Ով Սուրբ Հոգի, մի լքիր ինձ

Քանի անգամ ես Քո շնորհն ինձ պարգևել, իսկ ես այն չեմ պահել, քանզի սնապարծ է
իմ հոգին, բայց անձն իմ Ճանաչում է Քեզ՝ Արարչիս ու Աստծուս, ուստիև փնտրում եմ
Քեզ լալագին, ինչպես Հովսեփն էր հեծկլտում Իր հոր՝ Հակոբի համար:
Ես վիրավորում եմ Քեզ իմ մեղքերով, և Դու հեռանում ես ինձանից, սակայն հոգիս
անձկագին փափագում է Քեզ:
Ո՛վ Սուրբ Հոգի, մի՛ լքիր ինձ: Երբ հեռանում ես ինձանից, հոռի մտքեր են ինձ այցելում,
իսկ հոգիս լալահառաչ Քո կարոտն է քաշում: