Այսպէս է ասում Տէրը. Որդեա՛կ, պահի՛ր իմ խօսքերը եւ օր ու գիշեր դրանց մասի՛ն մտածիր իբրեւ հարազատ որդի եւ ազնիւ ժառանգ, իսկ նա, ով չի նորոգում եւ բարձրացնում նախնիների առաքինութիւնը, նա ամօթ եւ նախատինք է իր պապերի համար եւ մի նոր անէծք: ՍԻՐԱՔ ; 20 ,28

Զանգեզուր

Զանգեզուր, 1938 թվականին նկարահանված հայկական գեղարվեստական կինոնկար, որը պատմում է 1920-ական թվականների սկզբին Հայաստանում ընթացող քաղաքացիական պատերազմի և խորհրդային կարգերի հաստատման մասին։

Սյուժե

Ֆիլմը գործողությունները ծավալվում են քաղաքացիական պատերազմի մեջ ներգրավված Հայաստանում, 1921 թվականին։ Երևանից արտաքսված դաշնակցական վերջին զորքերը, Սպարապետի ղեկավարությամբ, որի կերպարի նախատիպը հանդիսանում էր Գարեգին Նժդեհը- հաստատվում են Զանգեզուրում, որտեղ փորձում են դիմակայել Կարմիր բանակի և տեղական բոլշևիկյան պարտիզաններին։ Պրոֆեսիոնալ հեղափոխական Հակոբյանը ուղարկվում է Զանգեզուր` պայքարելու դաշնակցականների և նրանց համակրող բրիտանական «դիտորդների» հետ։ Ֆիլմում Նժդեհը ներկայացվում է՝ որպես շատ խեղճ, փախուստի դիմող անձնավորություն։

Դերերում

Հրաչյա Ներսիսյան - Հակոբյան
Ավետ Ավետիսյան - սպարապետ
Հասմիկ - Ագյուլ
Դավիթ Մալյան - Մակիչ
Գուրգեն Ջանիբեկյան - Սաքո
Գուրգեն Գաբրիելյան - Արմեն
Գրիգոր Ավետյան - խուլ ծերունի
Գեղամ Հարությունյան - Սամվել
Ա.Առաքելյան - գուսան - Հայկասար, Ազնար
Ցոլակ Ամերիկյան - Աթյուն ապեր
Բելլա Իսահակյան - Անուշ
Գ. Մարգարյան - զինվոր
Իվան Չուվելև - Նիկիտա
Անդրեյ Կոստրիչկին - դենիկինյան գնդապետ
Յունիս Սուլեյմանով - պարտիզան
Ամասի Մարտիրոսյան - դաշնակցական սպահ
Մուրադ Կոստանյան - դաշնակցական սպա
Միքայել Գարագաշ - Սամսոն
Գ. Պապյան - Զարզանդ
Վլադիմիր Ցոպպի - մայոր
Քրիստափոր Աբրահամյան - դրվագ
Ստեղծագործական խումբ
ռեժիսորի ասիստենտներ - Ա. Գրիգորյան, Էրազմ Քարամյան, Վահան Բադալյան
նկարիչներ - Պատո Անանյան, Սերգեյ Սաֆարյան
նկարիչ-դիմահարդար - Արշավիր Սամվելյան
հնչյունային օպերատորներ - Ա. Կորոբով, Տ. Շաբալինա
տնօրեն - Ա. Կարլիկ

Մրցանակներ

1941 թվականին Համո Բեկնազարյանը, Հրաչյա Ներսիսյանը և Ավետ Ավետիսյանը «Զանգեզուր» կինոֆիլմի համար պարգևատրվել են II աստիճանի Ստալինյան մրցանակով։