Այսպէս է ասում Տէրը. «Արդարը պիտի խոյս տայ որսացողներից, իսկ նրա փոխարէն ամբարիշտը պիտի մատնուի կորստի» (Առակներ 11:8)

Գրիգոր Հասրաթյան. Կենսագրություն

Գրիգոր Հովհաննեսի Հասրաթյան (նոյեմբերի 24, 1919, Աշոտավան, Հայաստանի առաջին հանրապետություն - մայիսի 10, 2001, Երևան, Հայաստան), խորհրդային հայ պետական և հասարակական գործիչ։

Կենսագրություն

1942 թվականին ավարտել է Երևանի պոլիտեխնիկական ինստիտուտը, ինժեներ-շինարար։ 1960 թվականից՝ Հայաստանի ճարտարապետների միության անդամ։

1942-1945 թվականներին աշխատել է որպես ինժեներ, 1945-1950 թվականներին՝ Լենինյան շրջգործկոմի կոմունալ բաժնի պետ::

1950-1952 թվականներին՝ Երևան քաղաքի Լենինյան շրջգործկոմի նախագահի տեղակալ, 1952-1956 թվականներին՝ նույն շրջգործկոմի նախագահ։

1956-1958 թվականներին՝ Երևանի փոխքաղաքապետ:

1958-1960 թվականներին՝ «Երևաննախագիծ» ինստիտուտի տնօրեն։

1960-1962 թվականին Գրիգոր Հասրաթյանը Լենինականի քաղաքապետն էր:

1962 թվականից մինչև 1975 թվականը՝ Երևանի քաղաքապետը, 1979-1985 թվականներին՝ Մինիստրների խորհրդին կից Պատմության և մշակույթի հուշարձանների պահպանության և օգտագործման վարչության պետը։։

1985-1990 թվականներին՝ Հայաստանի ազգագրության թանգարանի և Սարդարապատի համալիրի տնօրեն։ Աշխատանքային Կարմիր դրոշի երկու շքանշանի ասպետ։։

1998 թվականին արժանացել է Երևանի պատվավոր քաղաքացի կոչմանը ։

2004 թվականին Երևանի Սայաթ-Նովա պողոտայի թիվ 6 շենքի հարևանությամբ տեղադրվել է Գրիգոր Հասրաթյանի հիշատակի հուշաքարը։ Նա Երևան քաղաքի 39րդ քաղաքապետն էր 

Քաղաքապետ Հասրաթյանը նպատակ էր դրել քաղաքը դարձնել մայրաքաղաք շեշտելով, որ մայրաքաղաք կառուցելն ու ղեկավարելը ակադեմիա է: Քչերը գիտեն, որ Էրեբունի-Երևան 2750 առաջին տոնակատարությունը կապված է Գրիգոր Հասրաթյանի անվան հետ:

Գրիգոր Հասրաթյանի հուշաքար (Երևան)

Մեջբերումներ Գրիգոր Հասրաթյանից

«Ճարտարապետությունը մարդու դաստիարակության միջոց է, այո՛, դա այդպես է, մարդն, անշուշտ, առաջին գործոնն է շինարարության մեջ։ Ոչ թե՝ ինչ ենք կառուցում, այլ՝ ում համար ենք կառուցում։ Նրա հոգևոր աշխարհը, նրա վաղվա օրը` ահա թե ամենից առաջ ի՛նչ պիտի հոգանք մենք»

Մեջբերումներ Գրիգոր Հասրաթյանի մասին

Գրիգոր Հասրաթյանը նվիրված էր քաղաքին անմնացորդ, սիրում էր Երևանը և ապրում դրանով։ Քաղաքի ամեն մի անկյուն, ամեն մի պուրակ, թուփ, քար նա ճանաչում էր։
- Ջիմ Թորոսյան (Ճարտարապետ, ակադեմիկոս)

Ես շատ հպարտ եմ, որ Գրիգոր Հասրաթյանի ժամանակակիցն եմ։ Ամենայն պատասխանատվությամբ կարող եմ ասել, որ Երևանը` որպես մայրաքաղաք, իր արտաքին տեսքով կայացավ հենց այն տարիներին, երբ քաղխորհգործկոմի նախագահը Գրիգոր Հասրաթյանն էր։
- Լավրենտի Բարսեղյան (Պատմական գիտությունների դոկտոր)

Անբասիրությունը նրա միակ թուլությունն էր։
- Անդրեյ Բիտով (Ռուս արձակագիր)

Տեսանյութը՝ ԱՐ հեռուստաընկերության «Արարման խորհուրդը» հաղորդաշարի