Այսպէս է ասում Տէրը. «Եւ եթէ իմ ամբողջ ունեցուածքը տամ աղքատներին եւ իմ այս մարմինը մատնեմ այրուելու, բայց սէր չունենամ, ոչ մի օգուտ չեմ ունենայ» (Կորնթացիներ 13:3)

Խաչի Դաշտենց. Տան հիմքը

Աչքդ ուշադիր կտուրիդ պահիր,
Բայց եթե հողմը քո ծածկը տանի,
Հոգ չէ՛, կշինես մի ամուր տանիք՝
Տան հիմքը պատն է, դու հիմքիդ նայիր:

Քո միջնասյունին աչքդ պահիր դու.
Բայց եթե բուքը դուռդ սասանի,
Հոգ չէ՛, կշինես մի նոր ամուր դուռ՝
Պատիվը շեմքն է, դու շեմքիդ նայիր:

Իսկ եթե ընկան քո պատն ու սյունը`
Էլ քո տանիքին մի նայիր իզուր -
Քանդվեց ուրեմն քո ամբողջ տունը.
Տունը հաստատ է, երբ հիմքն է ամուր:

Աչքդ միշտ արթուն տան հիմքիդ պահիր,
Որ քո երկիրը մնա ամրակուռ,
Քո հայրենիքն է հիմքերի հիմքը`
Քո ուշքն ու միտքը հայրենիքիդ տուր:

1962