Այսպէս է ասում Տէրը. «Տիրոջ օրհնութիւնն արդարների գլխին է, բայց տարաժամ սուգը պիտի փակի ամբարիշտների բերանը» (Առակներ 10:6)

Աղոթք ընտանիքի համար

Ո՛վ Ամենաօրհնյալ Տիրուհի, Քո հովանու ներքո պահի՛ր ընտանիքս: Ամուսնուս ու մեր
երեխաների սրտերում խաղաղություն ու սեր հաստատի՛ր և ամենայն բարու նկատմամբ
հոժարություն: Թույլ չտա՛ս, որ ընտանիքիցս որևէ մեկը անապաշխար մնա մինչև ծանր
բաժանումն ու հրաժեշտը, մինչև անբուժելի հիվանդություններն ու հյուծանքը, մինչև
վաղաժամ ու հանկարծական մահը:
Իսկ մեր տունն ու նրանում բնակվող մեզ բոլորիս պահպանի՛ր հրո ճարակից, գողերի
հարձակումից, ամենայն չար պատուհասից, զանազան սարսափներից ու
սատանայական պատրանքներից:
Եվ թո՛ղ մենք միասնաբար ու առանձնաբար, անթաքույց ու ծածուկ փառաբանենք Քո
սուրբ անունը, այժմ և միշտ և հավիտյանս հավիտենից. ամեն:

* * *

Տե՛ր Հիսուս Քրիստոս, Որդի՛ Աստծո, Քո
Կենարար Խաչի զորությամբ օրհնի՛ր իմ զավակին:

Հյուծանք - Կենսական ուժերի ծայրահեղ թուլացում, հալումաշություն, զառամախտ՝ թուլացում
ֆիզիկական, հոգեկան և մտավոր առումով ծերանալու հետևանքով, հիվանդություն: