Այսպէս է ասում Տէրը. «Քո գործերը յանձնի՛ր Տիրոջ ձեռքը, եւ քո մտադրութիւնները պիտի կատարուեն: Ինչպիսի մեծութեան էլ հասնես, դու քեզ խոնա՛րհ պահիր եւ դու շնորհ կգտնես Տիրոջ առջեւ» (Առակներ 16:3)

Հավատի խորհրդավոր ուղին. Այբուբեն

Փաստական նյութերի վրա հիմնված «Հավատի խորհրդավոր ուղին» հաղորդաշարը բաղկացած է 12 մասից, դրանցից են՝ Մկրտություն, Մյուռոնօրհնեք, Հավատո հանգանակ, Սուրբ Պսակի խորհուրդ, Ապաշխարհության խորհուրդ և այլն: Հաղորդաշարի ստեղծման նպատակը Հայաստանյայց առաքելական եկեղեցու ծեսերն ու խորհուրդները ներկայացնելու միջոցով հեռուստադիտողի ուշադրությունը հրավիրելն է Հայաստանի պատմությանը, նաև հիշեցնելը, թե ինչ դեր է խաղացել եկեղեցին ազգի ինքնապահպանման ու համախմբման գործում, ինչպես է անսասան հավատքն օգնել հայ ժողովրդին հաղթահարելու բազում արհավիրքներ և գոյատևել:

Հաղորդաշարի ընթացքում հեռուստադիտողին իր մեկնություններով ուղեկցում է Տեր Բագրատ եպիսկոպոս Գալստանյանը, որը մատչելիորեն մատուցում է եկեղեցու խորհուրդներն ու ծեսերը՝ դրանք հոգեհարազատ դարձնելով յուրաքանչյուրին: Նկարահանումները կատարվել են Հայաստանում (պատմականորեն նշանակալի վայրեր), ինչպես նաև՝ Իսրայելում (Երուսաղեմ) և Իտալիայում (Հռոմ):

Հայաստանի հանրային հեռուստաընկերություն։