Այսպէս է ասում Տէրը. «Այս եմ ձեզ պատուիրում. որ սիրէք միմեանց: Եթէ աշխարհը ձեզ ատում է, իմացէ՛ք, որ նախ ինձ է ատել: Եթէ այս աշխարհից լինէիք, աշխարհն արդէն, որպէս իրենը, ձեզ սիրած կլինէր. բայց որովհետեւ այս աշխարհից չէք, այլ ես ձեզ ընտրեցի աշխարհից, դրա համար աշխարհը ձեզ ատում

Մանստևի վանք

Լոռու մարզի Շնող և Թեղուտ գյուղերը ոչ վաղ անցյալում՝ հաշվառվել են որպես մեկ համայնք, երկու գյուղերի շրջակա միջավայրերն էլ աչքի են ընկնում միջնադարյան ու վաղ շրջանի հնագույն հուշարձանների առատությամբ:

Մանստևի վանքը գտնվում է Թեղուտ գյուղից 3 կմ հյուսիս-արևելք (Գուլաբի կոչվող սարի ստորոտում), նույնանուն` Մանստև գետակի աջափնյա անտառապատ մասում, Ձորիգեղ կոչվող հին բնակավայրի հետ կապվել է Մանստև գետակի վրա կառուցված քարե կամուրջով (ցավոք այն ևս՝ կիսով չափ փլուզված է…):

Մանստևի վանքը մեզ էր հասել կիսավեր վիճակում, կացարանների, պարսպի և մի քանի գերեզմանների մնացորդների հետ միասին, (Խորհրդային միության օրոք հուշարձանի արտաքին որմնաշարերից հանվել էին երեսաքարերի մեծ մասը և կառույցը կանգուն էր մնացել միայն կրաշաղախի ամրության շնորհիվ…), ցավոք այն վեջնականապես փլուզվեց 2010թ.:

Եկեղեցին երկլանջ կտուրով միանավ թաղակապ դահլիճ է` 5.6 x 4.8 մ չափերով, արևելյան մասում ավարտվում է կիսաշրջանաձև խորանով, որի երկու կողմերում կան ¾ շրջանաձև կտրվածքի պատուհաններ: Մուտքերը երեքն են՝ հյուսիսային, հարավային և արևմտյան կողմերից:

Ծածկված է կիսագլանաձև թաղով, որը միջին մասում ուժեղացված է ուղղանկյուն կտրվածքի որմնամույթերից բարձրացող թաղակիր կամարով: Հարավային և հյուսիսային պատերի երկարությամբ արված են 4-ական որմնակամարներ, որոնց կրունկները հենվում են պահունակ-իմպոստների վրա (բացի միջնամասից, որտեղ հենարան են ծառայում որմնամույթերը:

Արտաքին տեսքում աչքի են ընկնում վերասլաց ճակտոնապատերը, որոնց գագաթին, որպես պահպանիչ խորհրդանշաններ, եղել են խոյի գլուխ պատկերող քանդակներ: Երեսապատի և ձևավոր մասերի քարերը, ինչպես նաև ծածկասալերն ամբողջովին հանվել են…

Հուշարձանն աչքի է ընկնում քարի մշակման և կառուցողական բարձր հատկանիշներով, երկայնական պատերի որմնանկամարների յուրօրինակ հնարքով:

Մանստևի վանքի վերաբերյալ պատմական տեղեկություններ կամ գրավոր հիշատակություններ չեն պահպանվել:

Եկեղեցու կառուցման ոճը բնորոշ է միջնադարյան համանման կառույցներին:

Օգտագործված գրականություն

1. Գառնիկ Շախկյան, «Լոռի Պատմության քարակերտ էջերը»

Աղբյուր՝ Hushardzan.am