Այսպէս է ասում Տէրը. «Քո գործերը յանձնի՛ր Տիրոջ ձեռքը, եւ քո մտադրութիւնները պիտի կատարուեն: Ինչպիսի մեծութեան էլ հասնես, դու քեզ խոնա՛րհ պահիր եւ դու շնորհ կգտնես Տիրոջ առջեւ» (Առակներ 16:3)

Կոմիտաս Վարդապետ - Ալագյազ ու Խնկի ծառ (կենդանի ձայն)

Ալագյազ

Ալագյազ սարն ամպել ա,
Վա՛յ, լե՛, լե՛, լե՛, լե՛, լե՛, լե՛, լե՛,
Աղբերն իր ձին թամբել ա:
Իմ մայրիկ ջան, իմ մայրիկ ջան:
Աղբերն իր ձին թամբել ա,
Յարոջ դռնեն անցել ա:

Յարոջ դռնեն անցել ա,
Ելե դաշտը՝ խաղցել ա:

Ելե դաշտը՝ խաղցել ա,
Անձրև եկե, թրջել ա:

Անձրև եկե, թրջել ա,
Արև զարկե՝ չորցել ա:

Արև զարկե՝ չորցել ա,
Քան կարմիր վարդ բացվել ա:

Խնկի ծառ

Մեր դռանը խնկի ծառ, գյուլում ջան,
Ձեր դռանը խընկի ծառ, գյուլում ջան,
Խնկենին ա բերել բար, գյուլում ջան,
Իմ խորոտիկ, պզտիկ յար, գյուլում ջան:

Մեր դռանը խնկի ծառ, գյուլում ջան,
Նախշուն բլբուլ վրեն թառ, գյուլում ջան,
Երթար ու գար, շորոր տար, գյուլում ջան,
Սիրուն յարին օրոր տար գյուլում ջան:

Մեր դռանը խնկի ծառ, գյուլում ջան,
Մարջան բլբուլ վրեն թառ, գյուլում ջան,
Գնար ու գար, շվին տար, գյուլում ջան,
Անուշ յարի թևին տար գյուլում ջան:

Մեր դռանը խնկի ծառ, գյուլում ջան,
Ոսկի բլբուլ վրեն թառ, գյուլում ջան,
Կարմիր խնձոր հաներ, տար, գյուլում ջան,
Ալվան ծաղիկ տանել տար գյուլում ջան:

Կոմիտաս Վարդապետ - Ալագյազ ու Խնկի ծառ (կենդանի ձայն)