Այսպէս է ասում Տէրը. «Արդարեւ, ով անարգում է իմաստութիւնն ու խրատը, թշուառական է. ունայն է նրա յոյսը, անօգուտ է նրանց վաստակը, եւ պիտանի չեն նրանց գործերը: Նրանց կանայք անմիտ են, նրանց երեխաները՝ չարաբարոյ, եւ անիծուած են նրանց ծնունդները» (Իմաստ. Սողոմոնի 3:11-12)

Գուրգեն Գաբրիելյան (դերասան)

Գուրգեն Բախշիի Գաբրիելյան (դեկտեմբերի 3, 1903, Շուշի, Ելիզավետպոլի նահանգ, Ռուսական կայսրություն - մարտի 23, 1956, Երևան, Հայկական ԽՍՀ, ԽՍՀՄ), հայ դերասան։ ՀԽՍՀ ժողովրդական արտիստ (1950 թվական), Ստալինյան մրցանակի երրորդ աստիճանի դափնեկիր (1950 թվական)։

Դերասանուհի Անատոլիա Եղյանի ամուսինը։

Կենսագրություն

Ծնվել է Լեռնային Ղարաբաղի Շուշի քաղաքում, արհեստավորի ընտանիքում։ Մեծացել և սովորել է Թիֆլիսում։ 1924 թվականին ավարտել է Հայարտան դրամատիկական ստուդիան Արշակ Բուրջալյանի ղեկավարությամբ։ Սկապենի դերից հետո՝ (Մոլիերի «Սկապենի արարքները») Գուրգեն Գաբրիելյանին հրավիրում են Առաջին պետթատրոն, որտեղ աշխատում է երկար տարիներ: Թարգմանել է ռուս դրամատուրգների մի շարք պիեսներ։ Դասավանդել է Երևանի պետական գեղարվեստա-թատերական ինստիտուտում:

Դերերը թատրոնում

Գուրգեն Գաբրիելյանի հուշատախտակը Երևանում

Սկապեն՝ Մոլիերի «Սկապենի արարքները»
Վարդան՝ Ա. Շիրվանզադեի«Պատվի համար»
Թովմաս որդի՝ Մոլիերի «Երևակայական հիվանդ»
Ժուրդեն՝ Մոլիերի «Քաղքենին ազնվական»
Տիտա-Նանե՝ «Բամբասանք և սեր»
Իսայի՝ Գ. Սունդուկյանի «Խաթաբալա»
գիժ Մոզի՝ Գ. Սունդուկյանի «Քանդած օջախ»
Գիքո՝ Գ. Սունդուկյանի «Պեպո»

Դերերը կինոյում

1934 - ծաղկավաճառ՝ «Գիքոր»
1935 - կինտո՝ «Պեպո»
1937 - Թաթուլ՝ «Կարո»
1938 - Արմեն՝ «Զանգեզուր»
1939 - բրուտ՝ «Լեռնային արշավ»
1939 - թղթակից՝ «Մեր կոլխոզի մարդիկ»
1941 - աշուղ՝ «Հայկական կինոհամերգ»
1949 - Սաքո՝ «Արարատյան դաշտի աղջիկը»
1954 - վարսավիր՝ «Մանրուք»
1954 - աշուղ՝ «Հայկական կինոհամերգ»
1954 - Ասատուր պապ՝ «Լեռնային լճի գաղտնիքը»
1955 - Աղասի Նաջարյան՝ «Ոսկե ցլիկ»
1956 - Կարինյան՝ «Պատվի համար»
1956 - քարոզիչ՝ «Ամպրոպի արահետով»
1941 - «Արյան դեմ արյուն»՝ բեմադրող ռեժիսոր (Ա. Սամվելյանի հետ)[4]

Պարգևներ և կոչումներ

1950 - ՀԽՍՀ ժողովրդական արտիստ
1950 - Ստալինյան մրցանակի երրորդ աստիճանի դափնեկիր

Տեսանյութը՝ ԱՐ հեռուստաընկերության «Մեր Մեծերը» հաղորդաշարի