Այսպէս է ասում Տէրը. Որդեա՛կ, պահի՛ր իմ խօսքերը եւ օր ու գիշեր դրանց մասի՛ն մտածիր իբրեւ հարազատ որդի եւ ազնիւ ժառանգ, իսկ նա, ով չի նորոգում եւ բարձրացնում նախնիների առաքինութիւնը, նա ամօթ եւ նախատինք է իր պապերի համար եւ մի նոր անէծք: ՍԻՐԱՔ ; 20 ,28

Սիմեոն Աֆոնսկի «Հոգու կուրություն»

Կրթություն

Երբեմն կրթության պակասը փորձում են լրացնել առողջ դատողությամբ, սակայն վերջինս դժվար է գտնել անգամ չափազանց գրագիտության դեպքում

Վատ է լինել անուս, բայց նրա հետ, ով ունի սին գիտելիքներ, էլ ավելի դժվար է շփվել:

Եթե կրթությունը չի կրթում հոգին, այլ ընդամենը իրականացնում է ուսուցում, ապա նման կրթությունը ինքնըստինքյան սպառնալիք է մարդկանց համար:
Երբ գրքեր ես կարդում Աստծո և կյանքի մասին, խոսքը միավորիր սրտին, սիրտը` գործին, հենց դա էլ կլինի ամենալավ կրթությունը:

Անգործությունը հոգևոր խաղաղություն չէ

Ինչպես լռությունը սրտի անդորրություն չէ, այնպես էլ անգործությունը հոգու խաղաղություն չէ:
Սրտի անդորրություն որոնել այնտեղ, ուր աղմուկ չկա, նշանակում է գտնել ընդամենը …լուռ սիրտ:
Սրտի անդորրությունը ֆիզիկական իրողություն չէ, այն այնպիսի վիճակ է, երբ չեն ունենում անհանգստացնող մտքեր:
Հոգևոր խաղաղություն գտնում են Աստծո արքայությունում, երբ բացում ես սիրտն ու քեզ ամբողջովին նվիրում սիրելի Քրիստոսին:

Հոգու կուրություն

Հոգու ամենավատ կուրությունը մարդկային հպարտությունն է, իսկ լավագույն տեսողությունը խոնարհ սիրտն է:
Անգրագիտությունը վատ բան է, բայց առավել վատ է կեղծ, անիմաստ գիտելիքներ ունենալը:
Ճանապարհից անդին կգտնես միայն հնամաշ կոշիկներ, իսկ կեղծ գիտելիքներում` այս մահկանացու աշխարհի մասին լոկ դատարկ տեղեկություններ:
Կապվածության դեպքում երբեք չես գտնի հոգու խաղաղություն,այդպիսին վստահաբար կարելի է կոչել կյանքի կեղծ ճանապարհ:
Համբերությունը ճշմարիտ ուղին է, սրտի խաղաղությունը իսկական նվաճում է, Քրիստոսը` ճշմարիտ փրկություն:
Փրկվիր ինչպես երեխա, ապրիր ինչպես զինվոր, իմաստնացիր ինչպես տարեց, և Քրիստոս չի թողնի քեզ:
Եթե նույնիսկ ողջ աշխարհը լցվի չարությամբ, այդ բոլոր զրկանքներն ու դժբախտությունները կարելի է հաղթահարել Աստծո շնորհներով, որոնք ձեռք են բերվում հնազանդությամբ ու խոնարհությամբ:

Կյանք մի հորինիր

Քեզ համար հոգևոր կյանք մի հորինիր, ապրիր Կտակարանի պատվիրաններով, և այն ձեր առջև կբացի այն, ինչը որ է:

Երբ հեռանում ես դեպի լեռները, մենակ ես մնում մարմնիդ հետ, երբ չես տրվում դատարկ խոսակցություններին, առանձնանում ես լեզվիդ հետ, երբ մերժում ես դատարկ մտքերը, մենանում ես սրտիդ հետ:

Հոգևոր կյանքը, որը զուրկ է ինքնակառավարումից և կարգապահությանից, ոչ այլ ինչ է, եթե ոչ անկարգություն:

Հոգևոր կյանքը, որը զուրկ է ստեղծագործական ազատությունից, դադարում է հոգևոր կյանք լինելուց:

Մի վախեցիր հոգևորի ճանապարհին թույլ տված սխալներից, վախեցիր դրանցում մնալուց:

Եթե ինչ -որ բան հասկացար

Եթե անգամ դու ինչ -որ բան ես հասկանում հավատից, մի մտածիր, թե դա հենց Փրկությունն է, այն չի կարող լինել դատողություններում:

Փրկության մասին ունեցած մեր ամենախորը ըմբռնումներն անգամ բավարար չեն, որպեսզի մենք փրկվենք: Այն պահանջում է երկար տարիների հոգևոր կյանք:
Իմանալ, որ դու կույր ես, և կարողանալ ազատվել կուրությունից, նույն բաները չեն:

Դժվարություններից ու անհաջողություններից ձերբազատումը բերում է մտքերի ազատության, ցանկություններից ու կրքերից ազատումը` համբերության: Համբերությունը հասունացնում է հիանալի պտուղ` խոնարհություն: Դա էլ հենց Փրկության սկիզբն է:

Սիմեոն Աֆոնսկի

Ռուսերենից թարգմանությունը և ծաղկաքաղը` Նունե Մովսիսյանի