Այսպէս է ասում Տէրը. «Խոհեմութիւնից զուրկ թագաւորը մեծ անիրաւութիւն անող է, բայց անիրաւութիւնն ատողը երկար կեանք կ՚ունենայ» (Առակներ 28:16)

Կյանքն ինչպես կա․ Ալբերտ Մկրտչյան

2018թ․ փետրվարի 27-ի լույս 28-ի գիշերը կյանքից հեռացել է հայտնի ռեժիսոր, սցենարիստ, դերասան, ՀՀ ժողովրդական արտիստ Ալբերտ Մկրտչյանը՝ անվանի դերասան, ԽՍՀՄ Ժողովրդական արտիստ Մհեր Մկրտչյանի (Ֆրունզիկ) եղբայրը:

Ալբերտ Մկրտչյանը՝ անվանի դերասան, ԽՍՀՄ Ժողովրդական արտիստ Մհեր Մկրտչյանի (Ֆրունզիկ) եղբայրն էր:

Ռեժիսորի 81-ամյակը լրացել էր փետրվարի 27-ին:

Ալբերտ Մկրտչյանը նկարահանել և սցենարներ է գրել 15-ից ավելի ֆիլմերի համար: Նրա հայտնի ֆիլմերից են «Մեր մանկության տանգոն», «Հին օրերի երգը», «Հուշարձան»-ը, «Կյանքի լավագույն կեսը», «Ուրախ ավտոբուս»-ը և այլն:

Ֆիլմերի մի մասը արժանացել են պետական մրցանակների: Ալբերտ Մկրտչյանը նաև Մհեր Մկրտչյան թատրոնում բեմադրել մի շարք պիեսներ՝ կրկին մեծ հաջողություններ արձանագրելով:

Մկրտչյանը պարգևատրվել է ՀՀ Մովսես Խորենացու (2000 թ.), Մշակույթի նախարարության ոսկե (2007 թ.) մեդալներով, արժանացել է «Հայակ» հայկական ամենամյա առաջին կինոմրցանակաբաշխության Հատուկ մրցանակին (2012):

Ալբերտ Մկրտչյանը ծնվել է 1937 թվականին Գյումրիում: 1960 թվականին ավարտել է Երևանի գեղարվեստա-թատերական ինստիտուտի դերասանական բաժինը, իսկ 1971 թվականին՝ Մոսկվայի Կինեմատոգրաֆիայի ինստիտուտի ռեժիսուրայի ֆակուլտետը։

1960-1966 թթ. եղել է հայկական հեռուստաստուդիայի, 1971 թ.-ից՝ Հայֆիլ ստուդիայի ռեժիսոր, 1955-1999 թվականներին՝ Գյումրիի դրամատիկական, 2000 թվականից՝ Երևանի Մհեր Մկրտչյանի անվան արտիստական թատրոնների տնօրենն ու գեղարվեստական ղեկավար։

1980-2001 թվականներին դասավանդել է Երևանի պետական մանկավարժական համալսարանում, (պրոֆեսոր՝ 1995 թվականից), 2001-ից՝ Երևանի թատրոնի և կինոյի պետական ինստիտուտում: