1279 թ. գրված այս Ավետարանի էջի չափերն են 8.5×6 սմ, գրիչ՝ Վարդան (ՄՄ 5669)։ Ստացողն է իշխան Վախթանկը (նշանավոր վաճառական Ումեկի և Արցախի իշխան Հասան Ջալալի դուստր Մամախաթունի որդին)։ Հավանաբար գրվել է Արցախում։ Չափերից դատելով, ստացողը ձեռագիրը միշտ իր մոտ է պահել (թերևս հագուստի ծոցագրպանում)։ Այդպիսի մի փոքրաչափ Ավետարան էլ Սյունյաց մետրոպոլիտ Ստեփանոս Օրբելյանն է պատվիրել Մոմիկին 1302 թ.։ Անկասկած կան նաև փոքր չափեր ունեցող այլ ձեռագրեր, որոնք միավորվում են իրենց կիրառական նշանակությամբ (որով էլ պայմանավորված են դրանց չափերը), ուստի սա կարող է ձեռագրերի պատմության ուսումնասիրության ուշագրավ նյութ դառնալ (առաջարկ Մատենադարանի մեր երիտասարդ գիտաշխատողներին)))
Կարեն Մաթևոսյան
