Հայ մանրանկարչության մեջ թեև ճարտարապետությունը շատ չի արտացոլված, սակայն հետաքրքրական նմուշներ կան։ Առաջին նկարում 1211 թ. Անիում նկարազարդված Հաղբատի ավետարանի Հովհաննես ավետարանչի ու Պրոխորոնի մանրանկարում երևում է եկեղեցու ոճավորված պատկեր, որը շատ նման է Անիի բոլորաձև եկեղեցիներին (նկարում՝ Ս. Փրկիչ, Աբուղամրենց Ս. Գրիգոր)։ Հաջորդում նույն ձեռագրից՝ Մուտք Երուսաղեմ նկարը, որտեղ քաղաքային մուտքը պատկերված է ըստ Անիի խորհրդանշական մուտք հանդիսացող՝ Հոռոմոս-Անի ճանապարհին կառուցված եռահարկ աշտարակավոր կամարի։ Երրորդը Նորավանքն է, ու ճարտարապետ Մոմիկի ծաղկած ձեռագրի լուսանցազարդ՝ եռահարկ եկեղեցու պատկերով։
Կարեն Մաթևոսյան
