Գրիգոր Նարեկացի (X դար) — «Փառք Քրիստոսի ամենազօր յարութեան»:

Փառք Քրիստոսի ամենազօր յարութեանն։
Քրիստոսի ամենազօր յարութեանն
Երկրպագեն քերովբէքն,
Եւ վեցթեւեան սերովբէքն
Հոգեւորական հնչմամբ երգեն՝ ասելով․
— Փառք Քրիստոսի ամենազօր յարութեանն։

Այսօր անուշահոտ բուրմամբ ընթանային սուրբ կանայքն,
Տեսանելով զհրեշտակն արեգակնակերպ փայլմամբ,
Ի վերայ վիմին գոչէր՝ ասելով.
— Փառք Քրիստոսի ամենազօր յարութեանն։

Այսօր արձակեցաք ի կապանաց նախահօրն
Եւ վերստին նորոգմամբ
Յաւիտենական կենացն եղաք ժառանգորդք.
— Փառք Քրիստոսի ամենազօր յարութեանն