Աստուծոյ հոգին կարող է դարձի բերել եւ կեանքի կոչել մարդկանց: Ահա քեզ վկայութիւն. Եղիսէն, որի մէջ կար Աստուծոյ Հոգին, յարութիւն տուեց երկու մեռելների, մէկը` սոմնացի հարուստ կնոջ երեխային, ինչպէս որ գրուած է. «Ջերմացրեց երեխային իր մարմնով, եօթն անգամ ծածկեց երեխային` իր մարմնով, եւ երեխան բացեց իր աչքերը» [Դ Թագ. Դ 34-35]: Նրա հոգին ապրում էր Աստուծոյ մէջ, որի պատճառով էլ կեանք պարգեւեց մանկանը, սակայն կեանք կար նաեւ նրա ոսկորներում, որը փոխանցեց մեռած մարդուն եւ յարութիւն տուեց:
Եւ դու իմացի՛ր, որ այդ նոյն կեանքն է Աստուծոյ բոլոր սուրբերի եւ մարտիրոսների մասունքներում: Ո՞վ չի հաւատում, որ նրանք կենդանի են, ո՞վ է կասկածում, որ նրանց գերեզմանները լի են կենդանութեամբ: Նրանց տապանները թշնամուց պաշտպանող հզօր ամրութիւններ են, նրանք ընդդէմ գողերի եւ յափշտակողների ամուր պարսպապատ քաղաքներ են, նրանք իրենց օգնութեանը դիմող բարձր եւ հզօր աշտարակներ են, որովհետեւ փրկում են իրենց կործանիչներից, եւ մահը չի մօտենում նրանց: Նրանք զօրաւոր սպեղանիներ են մեր բժշկութեան համար, որովհետեւ իրենց մէջ կենարար զօրութիւն ունեն: Նրանք քեզանից միայն հաւատ են պահանջում եւ կը տան ամէն բան, ինչ որ խնդրես իրենցից: Հաստատ իմացի՛ր, որ Աստուած է բնակւում նրանց մէջ, եւ Նրա զօրութեամբ են հրաշքներ գործւում:
Սուրբ Եփրէմ Ասորի
Աղբյուր՝shavigh.am
