Գանձասարի Ադամն ու Եվան (1238 թ.)։ Քանդակը եկեղեցու գմբեթի թմբուկին է։ Վերևում գրված է՝ ԱԴԱՄ (Ա-ն և Մ-ն միասին՝ կցագիր), ավելի աջ՝ Ե(Ւ)Ա (Ե-ն և Ւ-ը կցագիր)։ Ներքևի տողում՝ ՕՁՆ Է (Ն-ն և Է-ն կցագիր)։ Ի դեպ, օձը Ադամի ու Եվայի մեջտեղում է՝ ալիքավոր։ Լեզվաբանների ուշադրությանը՝ կլոր Օ է կիրառված։ Հետաքրքիր է, որ երկուսի ձախ ձեռքում էլ արգելված պտուղն է, աջում՝ ճյուղ՝ տերևով։ Եվայի ծամերից մեկը, ոչ պատահականորեն, առջևի մասում է։ Նաև՝ մազերի տակից գլխազարդ ունի։ Պակաս հետաքրքիր չէ, որ վարպետը երկուսի ոտքերն էլ այնպես է քանդակել, ինչպես այժմ տիկնիկների ոտքերն են պատրաստվում։))) Բայց կարևոր է նաև վերնամասի զարդը՝ կտուց-կտցի տված թռչունների քանդակով, որ նախաստեղծների սիրո մասին է ակնարկում։
Կարեն Մաթևոսյան
